Ertis jaıylmalarynyń 64 paıyzyn sý basyp úlgerdi

<p>PAVLODAR. KAZINFORM &mdash; Osy ýaqytqa deıin Shyǵys Qazaqstandaǵy kaskadty sý qoımalarynan Ertis ózenine 4,6 sharshy kılometr sý jiberilgen. Bul &mdash; jospardaǵy kólemniń 74 paıyzy.</p>

Mamandar Ertis ózeniniń sý jaıylatyn alqaptaryn áýeden barlap shyqty. Aqqýly, Maı, Pavlodar aýdandarynyń jáne Aqsý qalasynyń aýyldyq aımaqtarynda sýdyń jaıylýy oıdaǵydaı júrip jatyr. 

— 10 sáýirden bastap bekitilgen kestege sáıkes joǵarǵy Ertis kaskadynan tabıǵatty qorǵaý maqsatynda sý jiberile bastady. Negizgi kezeńi 13-30 sáýir aralyǵyna josparlanǵan, sý 12 táýlik boıy sekýndyna 3500 tekshe metrden jiberiledi. Aldyn ala esepteýler boıynsha jaıylmanyń 75-80% alqabyn sý basady dep kútilip otyr. Jalpy josparlanǵan 6,2 tekshe kılometrdi qazirdiń ózinde 4,6 tekshe kılometri nemese shamamen 74% sý jiberildi. Qazir oblystyń jaıylma alqaptarynyń shamamen 64%yn sý basty, bul ótken jylǵy deńgeıden 2 esege artyq, - dep habarlady Pavlodar oblysynyń ákimi Asaıyn Baıhanov.

Tabıǵatty qorǵaý maqsatynda jiberilip jatqan sý aǵyndary búgingi tańda Ertis ózeniniń tómengi aǵys bóliginde erekshe baıqalady.

Eske sala keteıik, Semeıdegi kópir qurylysyna baılanysty Ertiske aǵyzylyp jatqan sýdyń qarqyny báseńdedi. Ertis ózeninde 23 sáýirden kemeler qatynaı bastady. 

Pavlodarda shybyn shirkeıdi ýlaý jumystary bastaldy. Kereýge shybyn-shirkeıdi áýeden ýlaıtyn 8 ushaq ushyp keldi.