Ertis pen Semeı ormanyndaǵy jemqorlyq: Ekologııa mınıstrligi tekserip jatyr

<p>ASTANA. KAZINFORM — Ekologııa jáne tabıǵı resýrstar mınıstrligi Semeı, Ertis rezervattarynda tekserý júrip jatqanyn málim etti.</p>

«Shyn máninde Semeı ormany rezervatynyń isi boıynsha dırektory ustaldy. Sondaı-aq, Ertis ormany boıynsha 188-bappen bastalǵan tergeý sharalary aıaqtaldy. Endi sotqa joldanady. Tergeýdiń túpkilikti qorytyndysyn kúteıik. Jalpy, mınıstrlik josparly tekserý júrgizip otyrady. Aýdıt júrgizetin qurylymdyq bólimshelerimiz bar. Basqa da tıisti organdar jumys istep jatyr dep oılaımyn», — dedi ol úkimet otyrysynan keıin ótken baspasóz máslıhatynda.

Mınıstrlik atalǵan mekemelerdegi bylyqtar tyńǵylyqty tergeýdiń arqasynda ashylǵanyn aıtady.

«Qalaı bolǵanda da bul fakt tirkeldi. Bul tyńǵylyqty tergeýdiń nátıjesi dep aıtýǵa bolady. Mınıstrlik óz ishinde Semeı ormany men Ertis ormany rezervattaryn tekserýmen aınalysyp jatqanymyzdy atap ótý kerek», — dedi Erlan Nysanbaev.

Eske sala keteıik, búgin ǵana Ertis ormany rezervatynda aǵashtardy otap satqan bas dırektor bastaǵan qylmystyq toptyń memleketke 150 mln teńge zalal ákelgenin habarlaǵan edik.