Pavlodarda quny 150 mln teńge memlekettik satyp alýdyń kúshi joıyldy

<p>PAVLODAR. KAZINFORM -&nbsp; Jeti satyp alýshy boıynsha taýardyń fırmalyq ataýy zańsyz kórsetilgen. Al Pavlodar qalalyq kommýnaldyq bólimi &laquo;Qazaqstan temir joly&raquo; balansynda turǵan kópirdi jaryqtandyrýǵa konkýrs oınatpaq bolǵan.</p>

Pavlodar oblysyndaǵy «Konstantınovskıı arnaıy áleýmettik qyzmetterdi kórsetý psıhonevrologııalyq ortalyǵy» KMÝ qamqorlyǵyndaǵy adamdarǵa jumsaq qural-jabdyqtardy, kıim-keshek pen aıaq kıimderdi jetkizý úshin jetkizýshilermen 40 lot boıynsha sharttar jasaǵan. Tehnıkalyq ereksheliginde taýarlardyń sıpattamalaryn «WhatsApp» qosymshasy arqyly kelisý kerek ekeni kórsetilgen.

«Memlekettik satyp alýlar salasynda budan da basqa zań buzýshylyqtar kezdesti. QR «Memlekettik satyp alý týraly» Zańynyń (38-baby 2-tarmaǵy) talaptaryna qaramastan, 7 satyp alý boıynsha jeke áleýetti ónim berýshige tıesili ekenin kórsetetin taýardyń fırmalyq ataýlary zańsyz kórsetilgen. Kináli laýazymdy tulǵalar ákimshilik jaýapkershilikke tartyldy. Taǵy bir jaǵdaıda bıýdjettiń tıimsiz jumsalýy toqtatyldy. Prokýratýranyń usynysy boıynsha Pavlodar qalasyndaǵy Ertis ózeniniń temirjol kópirin jaryqtandyrýǵa memlekettik satyp alýdyń kúshi joıyldy. Jarııalanǵan soma 150 mln teńge edi. Temirjol kópiri «Qazaqstan temir joly» AQ fılıalynyń balansynda turǵanyna qaramastan, tapsyrysty jergilikti turǵyn úı-kommýnaldyq sharýashylyq bólimi bergen», - dep málimde prokýratýradan.

Búginde álgi aqshalaı qarajat avtojoldardy jóndeýge qaıta bólingeni belgili boldy. Al kináli tulǵa jaýapqa tartyldy.

Eske sala keteıik, buǵan deıin prokýratýra organdary Ertis-Baıan óńirinde 210 myń gektar jer zańsyz berilgenin anyqtaǵan edi.