Ertis ózenine sý bosatý sharalary aıaqtalyp qaldy

<p>PAVLODAR. KAZINFORM - Ózenniń joǵary jaǵynda ornalasqan qoımalardan sý bosatý sharalary 7 mamyr kúni aıaqtalǵan. Qazirgi ýaqytta jaıylmalardyń 78 paıyzyn sý basyp úlgerdi.</p>

Bul týraly Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynyń basshysy Áıgerim Qabyltaeva habarlady.

«Shyǵys Qazaqstandaǵy qoımalardan sý bosatý sharalary aıaqtaldy. Sý jiberý kezeńindegi jalpy sýdyń kólemi 6,7 sharshy shaqyrym boldy. Oblystyń ońtústik bóliginde ózen sýy arnasyna qaıta bastaǵany baıqalady, al soltústik, ıaǵnı tómengi jaqqa sý áli kelip jatyr. Qazirgi ýaqytta búıirlik aǵyndardyń kúsheıe túsýine baılanysty Úlbi men Oba ózenderinen sý bosatý jalǵasyp jatyr. Bul qos ózennen Ertiske qazir sekýndyna shamamen 1700-1750 metr sý kelip jatyr. Jalpy bıyl ózen jaıylmasynyń 85 paıyzyn sý basady degen boljam bar. Qazir bul kórsetkish 78 paıyz bolyp otyr», - dep málimdedi basqarma basshysy.

Oblys aýmaǵynda qazirgi ýaqytta shybyn-shirkeıge qarsy ýlaý jumystary ǵylymı toptyń usynystary boıynsha tolyq shtatta júrgizilip jatyr.

10 sáýirden Ertiske Shyǵys Qazaqstandaǵy qoımalardan sý jiberile bastaǵanyn habarlaǵanbyz. 

Qazirgi ýaqytta ol aıaqtalý merzimine jetip qaldy.