Abaı oblysynda Ertis ózenine Sibir bekiresiniń 128 myń shabaǵy jiberildi
Oblystyq Tabıǵı resýrstar jáne tabıǵatty paıdalanýdy retteý basqarmasynyń qyzmetkerleri Jańasemeı aýdanyna qarasty Shaǵan aýylynyń mańyndaǵy Ertis ózenine 128 myń Sibir bekiresiniń shabaǵyn jiberdi. Bul shara qorshaǵan ortany qorǵaý jónindegi 2023-2025 jyldarǵa arnalǵan is-sharalar jospary sheńberinde iske asyrylǵan.
«Ertistegi baǵaly balyq túri – Sibir bekiresiniń popýlıatsııasyn qalpyna keltirý qajet. Sol arqyly aımaqtaǵy bıologııalyq ártúrlilikti saqtaýǵa múmkindik jasalady. Qyrkúıek aıynda Jańasemeı aýdanyndaǵy Shúlbi sý qoımasyna da 83 myń sazan jiberilgen», - delingen basqarma aqparatynda.
Sonymen qatar «Oilfish» JShS jáne «BSh ǴZI» JShS-niń bastamasymen Krýpskaıa aýylynda jergilikti sý qoımalaryn bekire tuqymdas balyqtarmen qorlandyrý aktsııasy uıymdastyrylǵan. Aktsııa barysynda Ertiske ortasha salmaǵy 12 gramm bolatyn bekire tuqymdas balyqtar jiberildi.
Eske salsaq, osyǵan deıin «Semeı ormanyndaǵy» alapat órtten qaza bolǵan órt sóndirýshiler men ormanshylarǵa eskertkish ashylǵany habarlanǵan.