Ertis ózenine batyp ketken keme kapıtany bes táýlikten beri izdestirilip jatyr

<p>PAVLODAR. KAZINFORM - Súńgýirler ózen arnasynyń jaǵaǵa jaqyn bólikterinde sýǵa súńgimeı-aq izdestirý jumystaryn jalǵastyrýda. Ol úshin júzý quraldary men eholot paıdalanylyp jatyr.</p>

Buǵan deıin habarlaǵanymyzdaı, 8 mamyr kúni túngi ýaqytta Ertis ózeninde keme kapıtany sýǵa batyp ketti.

Óńirlik tótenshe jaǵdaılar departamentiniń ókilderi keme kapıtanyn izdeý bes táýlikten beri jalǵasyp jatqanyn habarlady.

«Keme kapıtanynyń múrdesi ázirshe tabylǵan joq. Ertis ózeniniń jaǵa sheginde qutqarýshylar izdestirý jumystaryn belsendi túrde júrgizip jatyr. Olar sýǵa súńgimeı-aq, júzý quraldary men eholottyń kómegin paıdalanyp, ózen túbin súzip keledi. Іzdestirý-qutqarý sharalaryna 2 qutqarýshy, jergilikti atqarýshy organ men kapıtan jumys istegen uıymnyń ókilderi jumyldyrylǵan», dep atap ótti Pavlodar oblysy tótenshe jaǵdaılar departamenti azamattyq qorǵanys basqarmasynyń ofıtseri Temirlan Japalbaı.

Onyń sózinshe, keme komandasy jaǵajaı mańyn tazartý jáne abattandyrý sharalarymen aınalysqan.

Qazirgi ýaqytta polıtsııa atalǵan jaıt boıynsha qylmystyq is qozǵap, tergeý-tekserý júrgizilip jatyr.