«Ertis ormanynyń» dırektory ustalǵan soń, basshy mindeti Qazbek Ámetovke júkteldi
22:46, 08 Aqpan 2024
<p>PAVLODAR. KAZINFORM - Orman sharýashylyǵy jáne janýarlar dúnıesi komıtetiniń buıryǵymen Qazbek Qasymuly Ámetov «Ertis ormany» MOTR RMM bas dırektorynyń orynbasary laýazymyna taǵaıyndaldy jáne bas dırektordyń mindetin ýaqytsha atqarý mindeti júkteldi.</p>
Qazbek Qasymuly Ámetov 1977 jyly 12 naýryzda dúnıege kelgen.
Bilimi - joǵary, orman sharýashylyǵy, quqyqtaný jáne iskerlik basqarý magıstri.
Orman sharýashylyǵy salasyndaǵy eńbek ótili 10 jyldan asady. Ár jyldary orman sharýashylyǵy mekemelerinde basshylyq qyzmet atqarǵan.
Orman sharýashylyǵy salasy boıynsha halyqaralyq deńgeıde taǵlymdamadan, tájirıbe almasý men biliktiligin arttyrý kýrstaryn támámdaǵan.
Búgingi tańda Pavlodar qalalyq máslıhatynyń VIII shaqyrylym depýtaty.
Úılengen, tórt bala tárbıelep otyr.
Eske sala keteıik, para aldy degen kúdikpen «Ertis ormanynyń» buǵan deıingi basshysy qamaýǵa alyndy.