Naızaǵaı saldarynan Ertis ormanynan 6 ret órt shyqqan

<p>ASTANA. KAZINFORM - &laquo;Ertis ormany&raquo; rezervaty aýmaǵynda aınaldyrǵan 3 saǵattyń ishinde 6 orman órti tirkelgen. Jedel anyqtaýdyń jáne olardy sóndirý úshin ýaqtyly qabyldanǵan sharalardyń arqasynda tilsiz jaý tez arada sóndirildi.</p>

Bul týraly «Ertis ormany» memlekettik orman tabıǵı rezervatynyń baspasóz qyzmetinen habarlady.

Foto: Ertis ormany rezervaty

«Rezervat aýmaǵynda órt faktileri tirkeldi. Saǵat 09:00-den 12:00-ge deıingi kezeńde memlekettik orman qory aýmaǵynda 6 orman órti anyqtaldy. Belgili bolǵandaı olardyń barlyǵy naızaǵaıdyń túsýinen tutanǵan. Fılıaldardyń orman kúzeti men orman órt sóndirý qyzmetkerleriniń jáne «Qazavıaormanqorǵaý» qyzmetkerleriniń kúshterimen tilsiz jaý tez arada aýyzdyqtalyp, joıyldy»,-dep málimdedi mekemeden.

Foto: Ertis ormany rezervaty

Eske sala keteıik, Ertis ormanynda shóp shaýyp júrgen sharýa órt shyǵaryp, qomaqty aıyppul tóledi.

Sharýa tehnıkamen shóp shapqan. Alaıda shóp daıyndaý tehnıkasynda ushqyndy tutyp qalatyn qondyrǵy bolmaǵan. Sóıtip órtke sebepker bolǵan. Kináli adam QR Ákimshilik quqyq buzýshylyq týraly kodeksiniń 367-babyna sáıkes ákimshilik jaýapkershilikke tartylyp, oǵan 100 aılyq eseptik kórsetkish mólsherinde (qysqartylǵan tártippen) aıyppul salyndy.

Foto: Ertis ormany rezervaty