«Ertis ormanyn» zańsyz otaý: Laýazymdy tulǵalarǵa qatysty tergeý bastaldy

<p><span style="font-family: sans-serif; font-size: 18px;">&laquo;Ertis ormany&raquo; memlekettik tabıǵı orman rezervatynyń laýazymdy tulǵalary ormandy zańsyz kesýge qatysty bolýy múmkin. <a href="https://kaz.inform.kz/" target="_blank" rel="noopener">QazAqparat</a> bul týraly&nbsp;</span><a style="padding: 0px; margin: 0px; font-size: 18px; font-family: sans-serif;" href="https://polisia.kz/ertis-ormany-rmm-indegi-auqymdy-operatsiya-sotqa-dejingi-tergeu-zhurgizilip-zhatyr/" target="_blank" rel="noopener">Polisia.kz-ke</a><span style="font-family: sans-serif; font-size: 18px;">&nbsp;silteme jasap habarlaıdy.</span></p>

Pavlodar oblysynyń Polıtsııa departamenti uıymdasqan qylmysqa qarsy kúres basqarmasynyń qyzmetkerleri «Ertis ormany» erekshe qorǵalatyn aýmaǵynda ormandy zańsyz kesý jáne urlaý faktilerin anyqtaý boıynsha keshendi jedel-izdestirý sharalaryn ótkizgen.

Máselen, 18 qyrkúıekte oblystyq prokýratýranyń úılestirýimen «Ertis ormany» rezervaty boıynsha aýqymdy operatsııa júrgizildi. Polıtseıler «Ertis ormany» RMM-de, Shaldaı jáne Besqaraǵaı ormanshylyǵynda, sondaı-aq birqatar basshylardyń turǵylyqty jeri boıynsha 20-ǵa jýyq sanktsııalanǵan tintý júrgizdi.

«Tintý kezinde qujattamadan basqa (shot-faktýralar, ilespe qujat, eseptiligi júrgizilmeıtin ormandy otaýǵa qatysty jáne ózge de qujattar), atys qarýy, oq-dáriler jáne ózge de zattaı dáleldemeler tárkilendi.

Qazirgi ýaqytta Qylmystyq kodekstiń 188-baby 2-bóligi boıynsha sotqa deıingi tergeý bastaldy. Boljamdy málimetter boıynsha ormandy zańsyz kesýge „Ertis ormany“ RMM-niń laýazymdy tulǵalary qatysty bolýy múmkin», — delingen málimette.

QR Qylmystyq protsessýaldyq kodekstiń 201-baby negizinde ózge aqparat jarııa etilmedi.