Ertis ormanyn otap satqan bas dırektor 150 mln teńge zalal ákelgen
Ekologııa jáne tabıǵı resýrstar mınıstrliginde «Ertis ormany» memlekettik orman tabıǵı rezervatynyń laýazymdy tulǵalaryna qatysty is boıynsha usynys qaraldy.
Іs-sharaǵa Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev, ýákiletti organnyń basshylyǵy men qyzmetkerleri qatysty.
Usyný tabıǵı rezervatta sybaılas jemqorlyq quqyq buzýshylyqtar jasaýǵa yqpal etken sebepter men jaǵdaılardy joıýǵa baǵyttalǵan.
Rezervattyń bas dırektory basshylyq etken uıymdasqan qylmystyq top aǵashty tehnologııalyq jáne otyn aǵashynyń túrinde zańsyz satý arqyly asa iri mólsherde orman aǵashyn jymqyrdy degen kúdikke ilindi.
UQT-nyń qylmystyq áreketinen memleketke 150 mln teńgeden astam somada zalal keldi.
Mınıstrlikke sybaılas jemqorlyq táýekelderin joıý boıynsha, onyń ishinde orman qoryn túgendeý jáne qorǵaý protsesterin tsıfrlandyrýdy engizý jolymen keshendi sharalar qabyldaý usynyldy.
UQT qatysýshylary qamaýda.
Sotqa deıingi tergeý aıaqtaldy.
Jumys jalǵasady.