Ertis fýtbol komandasy tórt jyldyq úzilisten keıin alǵashqy resmı matchyn ótkizedi
12:00, 11 Naýryz 2024
<p>PAVLODAR. KAZINFORM – Qazaqstan kýbogy úshin ótetin oıynda almatylyq «Han Táńiri» komandasy qarsylas atanyp otyr. Klýb sapynda Premer-lıgada oınaǵan fýtbolshylar óner kórsetedi.</p>
Pavlodarnews.kz habarlaǵandaı, búgin saǵat 16.00-de Shymkenttegi «Bıik» sport kesheninde «Ertis» pen «Hat táńiri» komandalary kezdesedi.
Tórt jyldyq úzilisten soń qaıta jańǵyrǵan pavlodarlyq fýtbol klýby tuńǵysh resmı matchyn ótkizedi.
2024 jylǵy Qazaqstan Kýbogindegi jarys atalǵan qos komandanyń kezdesýmen bastalady. Olardan ózge «A» tobynda kókshetaýlyq «Oqjetpes» pen taǵy bir almatylyq ujym «AKAS» oınaıdy.
Kezdesý kórsetilimin Q Football/Q Arena telearnasy nemese QFL.KZ saıtynan kórýge bolady.
«Ertis» komandasy sońǵy ret resmı machty 2020 jyldyń 14 naýryzynda, Premer-lıganyń ekinshi týry aıasynda «Qyzyljarmen» ótkizgen edi.
Eske sala keteıik, pavlodarlyq «Ertis» fýtbol klýby ekinshi lıgada oınaıtyn boldy.