Ertis-Baıan óńirinde jyl basynan beri 13 myń adam jumyspen qamtyldy

<p>PAVLODAR. KAZINFORM &ndash; Pavlodar oblysynda jyl sońyna deıin jalpy sany 26,6 myń turǵyndy jumysqa ornalastyrý josparlanyp otyr. Onyń 9,2 myńy Ulttyq jobalar men tujyrymdamalardy iske asyrý aıasynda ómirsheń etiledi.</p>

Taǵy 7,4 myńy – Memleket basshysynyń «10 myń halyq úshin 100 jumys orny» bastamasy sheńberinde, 10 myńy – jumys berýshiler usynǵan bos eńbek oryndaryna ornalastyrylady.

«Bıyl jyl basynan Pavlodar oblysynda 13418 astam adam jumysqa ornalasty. «Eki qolǵa - bir kúrek» tapqandardyń basym kópshiligi turaqty jumys oryndarymen qamtylǵan. 7436 jańa jumys ornyn qurý josparlanǵan. Qazirdiń ózinde jospardyń 43 paıyzy oryndaldy. Sýbsıdııalanatyn jumys oryndaryna 6 myńdaı adam ornalasty. Jospar boıynsha 6617 turǵyn eńbekpen qamtylýy kerek. Olardyń deni qurylys, ónerkásip, aýyl sharýashylyǵy, bilim berý salalaryna ornalasty», - deıdi Pavlodar oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Almıra Dısıýpova.

Ese sala keteıik, jyl basynan beri elimizde 230,8 myń adam jumyspen qamtyldy.