Ertis-Baıan óńirinde bes aıda jol apatynan 3 bala kóz jumǵan

<p>PAVLODAR. KAZINFORM — Taǵy 41 jasóspirim apat saldarynan jaraqat alǵan. Balalardyń qatysýymen jalpy sany 36 jol-kólik oqıǵasy tirkelgen.</p>

Pavlodarlyq polıtseıler jazǵy demalys kezeńinde eresekterden balalardyń qaýipsizdigin turaqty nazarda ustaýdy surap otyr.

Bıylǵy alǵashqy bes aıda Pavlodar oblysynda balalardyń qatysýymen 36 jol-kólik oqıǵasy tirkelip, onyń saldarynan 3 bala kóz jumsa, taǵy 41 bala túrli jaraqat aldy.

— Oqıǵalardyń 70 paıyzynda jaıaý júrginshiler kináli ári olar jıi jaraqat alady. Sońǵy ýaqytta rýlinde jasóspirimder otyrǵan mototsıklderdiń, skýterlerdiń qatysýymen keleńsiz oqıǵalar jıilep ketti. Balalar óz emotsııalaryn basqara almaıdy, draıvqa kóbirek súıenedi, jyldamdyq rejımin saqtaı almaıdy. Al munyń sońy aýyr zardaptarǵa ákeledi, — deıdi Pavlodar oblysy polıtsııa departamenti jergilikti polıtsııa qyzmetiniń bastyǵy Qýanysh Mustafınov.

Eske sala keteıik, Pavlodarda skýterge mingen eki jasóspirim Kamazǵa soǵylyp kóz jumǵan edi.