Ertis-Baıan óńirin 21 myńnan astam kıik jaǵalap júr

<p>PAVLODAR. KAZINFORM - Tabıǵat qorǵaý mekemeleriniń qyzmetkerleri Pavlodar oblysynyń aýmaǵynda 21 myńnan astam kıik baryn anyqtady. Mamandar jergilikti sharýashylyqtarǵa aqbókenderdi úrkitý barysynda zańsyz is-áreketterdi qoldanbaýdy eskertip otyr.</p>

Pavlodar oblystyq orman sharýashylyǵy jáne janýarlar dúnıesi aýmaqtyq ınspektsııasynyń memlekettik ınspektorlary jáne «PO Ohotzooprom» memlekettik kásipornynyń Baıanaýyl tirek pýnktiniń qyzmetkerleri Baıanaýyl, Maı, Ekibastuz, Aqsý aýmaqtarynda aqbókender men arqarlardy qorǵaý boıynsha birlesken profılaktıkalyq is-sharalar júrgizdi.

«Aldyn alý is-sharalarynyń qorytyndysy boıynsha tabıǵatty qorǵaý zańnamasyn buzýshylyqtar anyqtalǵan joq. Óńirde 21 myńnan astam aqbóken kezdesti», – dep habarlady oblystyq orman sharýashylyǵy jáne janýarlar dúnıesi aýmaqtyq ınspektsııasynan.

Sharýa qojalyqtary kıikterdiń egis alqaptary men jaıylymǵa túsip ketpeýi úshin úrkitý amaldaryn qoldanatyny belgili. Mamandar bul rette zańsyz sharalar qoldanbaý týraly túsindirý jumystaryn júrgizdi.

Eske sala keteıik, Aýyl sharýashylyǵy mınıstri kıik sanyn retteýge qatysty pikir bildirdi