Ertis-Baıan óńiri bıýdjettiń oryndalýy boıynsha respýblıkada kósh basyna shyqty

<p>PAVLODAR. KAZINFORM - Shilde aıyndaǵy jaǵdaı boıynsha oblys bıýdjetine 186,1 mlrd teńge (jospar boıynsha - 177,4 mlrd teńge) kóleminde kiris kirdi. Bıýdjettiń oryndalýy 104,9%-dy qurady. Kiris jospary 8,7 mlrd teńgege asyra oryndaldy.</p>

Pavlodar oblysy ákiminiń baspasóz qyzmetinen habarlaǵandaı, óńirde alǵashqy jartyjyldyqtyń qorytyndysy boıynsha barlyq bazalyq makro kórsetkishterde oń dınamıka baıqalady. Qysqa merzimdi ekonomıkalyq ındıkator – 103,5%-dy qurasa, naqty kólem ındeksi 102,5% jetti.

Foto: Pavlodar oblysy ákiminiń baspasóz qyzmeti

«Óńdeý sektorynda 7,4%-ǵa jáne elektrmen jabdyqtaý salasynda 2,7%-ǵa ósim baıqalady. Aýyl sharýashylyǵy salasynyń kólemi 4,7%-ǵa ulǵaıdy. Óńir ekonomıkasyna 395 mlrd teńge ınvestıtsııa tartyldy. Ósim qarqyny – 114,8% qurady. Aýmaqtyq bóliniste menshikti kiris josparlary barlyq aýdandarda oryndaldy. Ótken jylmen salystyrǵanda túsimderdiń ósimi 30,3 mlrd teńgeni nemese 119,4% qurady. 1 shildedegi jaǵdaı boıynsha oblys bıýdjetine 186,1 mlrd teńge (jospar boıynsha - 177,4 mlrd. teńge) kóleminde kiris kirdi. Bıýdjettiń oryndalýy 104,9%-dy qurady. Kiris jospary 8,7 mlrd teńgege asyra oryndaldy. Aýmaqtyq bóliniste menshikti kiris josparlary barlyq aýdandarda oryndaldy. Ótken jylmen salystyrǵanda túsimderdiń ósimi 30,3 mlrd teńgeni nemese 119,4% qurady», - dep málimdedi ákimdikten.

Foto: Pavlodar oblysy ákiminiń baspasóz qyzmeti

Al oblys bıýdjetiniń josparlanǵan 260,9 mlrd teńge shyǵyndary 100% ıgerilgen. Osylaısha alǵashqy jartyjyldyqtaǵy bıýdjettiń oryndalý kórsetkishteri boıynsha oblystar bólinisinde óńir 1-orynǵa turaqtady.

Eske sala keteıik, qarjylyq monıtorıng agenttigi 45 mlrd teńge bıýdjet qarajatyn únemdegen.