Ertis Promenade maýsymynyń ashylýy memlekettik rámizderdiń 30 jyldyǵyna arnaldy
Ertis Promenade maýsymy Qazaqstan Respýblıkasy Memlekettik rámizderi kúni qarsańyndaǵy merekelik kontsertpen bastaldy.
Ertis Promenade sahnasynda pavlodarlyq jáne qazaqstandyq estrada juldyzdary óner kórsetti.
Qala turǵyndary men qonaqtaryn tanymal jerlesteri men qoǵam qaıratkerleri quttyqtady.
Myńdaǵan pavlodarlyqtar Ortalyq jaǵalaýǵa jınaldy.
Oblys ákimi Ábilqaıyr Sqaqov ta bolǵan osy keshke jınalǵan kórermenderdiń aldynda Isa Baızaqov atyndaǵy oblystyq fılarmonııanyń ártisteri de án saldy.
Jastardyń arasynda tanymal júrgizýshiler Áıgerim Jantórına men Ǵalymjan Keńshilik kórermenderdiń kóńilin aýlap, qýanysh syılady.
Qala turǵyndary «Kók týdyń jelbiregeni» ánin oryndaǵan Ibragım Eskendirdi dý qol shapalaqpen qarsy aldy.
Kórermenderdi Memlekettik rámizderdiń 30-jyldyǵymen oblystyq máslıhattyń depýtaty Jarqynbek Amantaı, hımııa-mehanıkalyq kolledjiniń stýdenti Vladıslav Gýbarev pen shańǵy jarysynan sport sheberi, Olımpıada oıyndarynyń qatysýshysy Irına Bykova quttyqtady.
Olar jerlesterine beıbitshilik, baqyt pen bereke tilep, barlyǵyn aldaǵy referendýmde oń ózgerister úshin daýys berýge shaqyrdy.
Kontserttik baǵdarlamanyń basty qonaqtary reper Kalifarniya men tanymal ánshi Qaırat Nurtas boldy.
Estrada juldyzdary ózderiniń belgili ánderi men jańa kompozıtsııalaryn oryndady.
Ertis Promenade alǵashqy kontsertin Ibragım Eskendir «Biz birgemiz» ánimen túıindedi.
Sýret: pavlodarnews.kz