Ertis ózenine batyp ketken Qytaı azamatynyń denesi tabyldy

PAVLODAR. QazAqparat - 11 maýsym kúni ortalyq jaǵajaıda 24 jastaǵy sheteldik azamat sýǵa batyp ketti, máıit oqıǵa ornynan 11 shaqyrym jerde sýdan shyǵaryldy, dep habarlaıdy QazAqparat tilshisi.

«14 maýsym saǵat 17.42 kezinde oqıǵa ornynan 11 shaqyrym jerdegi Ertis ózeniniń Jelpaq aǵysy mańynda qutqarýshylar er adamnyń denesin taýyp, ony Ertistiń sol jaǵalaýyna jetkizdi. Máıit polıtsııa qyzmetkerlerine tapsyryldy», - dep habarlady Pavlodar oblysy tótenshe jaǵdaılar departamentiniń baspasóz qyzmeti.

Osylaısha, qutqarýshylar 11 maýsymda Pavlodar qalasynyń ortalyq jaǵajaıynda sýǵa batyp ketken 24 jastaǵy Qytaı azamatynyń denesin tapty.

Jedel-qutqarý jasaǵynyń qyzmetkerleri ony 14 maýsym kúni saǵat 08.50-de izdep bastaǵan.

Sýǵa batyp ketken azamatty izdeýge 6 qutqarýshy, 1 qaıyq pen 1 mashına qatysty.