Ertis ózeninde qytaılar altyn óndirip jatyr: Abaı oblysynyń ákimdigi málimdeme jasady

SEMEI. QazAqparat – Abaı oblysynyń ákimdigi jelide qytaılyq kompanııanyń Ertis ózeninde altyn qazyp jatqany týraly aqparatqa qatysty málimdeme jasady, dep habarlaıdy QazAqparat tilshisi.

Kesheli beri áleýmettik jeliler men messendjerlerde Besqaraǵaı aýdany Dolon aýylyndaǵy Ertis ózeninde qytaılyq kompanııanyń Ertis ózeninde altyn qazyp jatqany týraly aqparat tarady.

Onda «Olar hımııalyq zattardy (tsıanıt) paıdalanyp jatyr. Sondyqtan Ertis ózeninde múlde shomylmańyzdar» dep jazylǵan.

Osyǵan oraı Abaı oblysynyń ákimdigi resmı málimdeme jasady.

«Ertis ózeniniń túbinde altyn kenin óndirý úshin QHR azamattary kelgeni týraly aqparat shyndyqqa múlde sáıkes kelmeıdi. Turǵyndardan tek resmı aqparat kózderine senýdi suraımyz. Kórineý jalǵan aqparat taratqandardyń qylmystyq jaýapkershilikke tartylatynyn eskertemiz», - delingen habarlamada.