«Ertis ormany» rezervatynda taǵy bir órt sóndirilýde

PAVLODAR. QazAqparat - Pavlodarlyq órt sóndirýshiler «Ertis ormany» rezervatynda oryn alǵan taǵy bir órtti sóndirýde, dep habarlaıdy QazAqparat TJM-ǵa silteme jasap.

«6 shildede saǵat 18.56-da Sharbaqty aýdanyndaǵy «Ertis ormany» MOTR» MM aýmaǵynda shamamen 10 ga alańda qurǵaq shóp pen orman órtendi.

Órtti sóndirýge orman sharýashylyǵy men TJD-nyń 31 mamany men 12 tehnıkasy jumyldyryldy», - dep jazdy vedomstvodan.

Órttiń shyǵý sebebi anyqtalýda.

Saǵat 22-06-da shamamen 13,37 ga alańdaǵy órt sóndirildi.