Ertis óńirinde kópbalaly otbasylar úshin 143 páter satyp alynady
Bul týraly Pavlodar oblysy qurylys basqarmasy basshysynyń orynbasary Asqar Ajmurat málimdedi.
- Bólingen qarajatqa 143 páter satyp alý josparlanýda, - deıdi Asqar Ajmurat. - Sáýir aıynda Aqsý qalasynda Astana kóshesi, 58 úı mekenjaıy boıynsha qaıta jańartylǵan ǵımarattan 57 páter satyp alyndy.
Sonymen qatar, Aqsý qalasynda 28 ekipáterli turǵyn úı salynýda. Ár úı 90 sharshy metrlik úsh bólmeli eki páterden turady.
- Úıler barlyq ortalyq kommýnıkatsııalarmen qamtylady, - dep atap ótti Asqar Ajmurat. - Onyń ishinde telefon jelisi de tartylady. Tamyzda turǵyn úı qurylysyn aıaqtaý josparlanyp otyr. Nátıjesinde 56 kóp balaly otbasy óz páterine kire alady.
Sondaı-aq kópbalaly otbasylardy Lenın kentindegi qaıta jańartylatyn bes qabatty úıge ornalastyrý josparlanǵan. Saraptamadan oń nátıjemen ótken jobalyq-smetalyq qujattamasy daıyn. 30 páterdi satyp alýǵa 252 mıllıon teńge qarastyrylǵan.