«Ertis» fýtbol klýbyna jańa avtobýs tartý etildi

<p>PAVLODAR. KAZINFORM - Keler jyly klýbtyń qurylǵanyna 60 jyl tolady. Jańa avtobýs komanda oıynshylarynyń syrtqy oıyndarǵa sharshamaı jetýi úshin jaılylyq týdyrmaq.</p>

Jańa jyl merekesi qarsańynda «Ertis» fýtbol klýbyna jaıly avtobýs syıǵa tartyldy. Oǵan «№ 1 avtobýs parki» JShS demeýshilik kórsetken.

Foto: Valerıı Býgaev

Foto: Valerıı Býgaev

43 jolaýshyǵa arnalǵan Yutong markaly avtobýstyń shalqaımaly oryndyqtary jáne aıaqqa arnalǵan jastyqtary bar. 

«Keler jyly «Ertis» fýtbol klýbyna 60 jyl tolady. Aty ańyzǵa aınalǵan komandanyń mereıtoıy qarsańynda bul laıyqty syılyq boldy. Bizdiń dańqty klýbty jandandyrýǵa kómektesken jáne súıikti komandamyzǵa áli de qoldaý kórsetip jatqan jandarǵa alǵysymdy aıtamyn», - dep atap ótti óńir basshysy Asaıyn Baıhanov. 

Byltyr bizdiń oıynshylar ekinshi lıganyń chempıondary atanyp, maýsymdy birinshi lıgaǵa shyǵýmen aıaqtaǵany maqtanýǵa turarlyq. Endigi mindet - Premer-lıgaǵa oralý.

Eske sala keteıik, «Ertis» burynǵy oıynshylar aldyndaǵy qaryzyn óteýge jaqyn.