Erteńnen bastap Shymkentte jylý berý toqtatylady

ShYMKENT. QazAqparat- Shymkent qalasynda 2021-2022 jylǵy jylytý maýsymy 1 sáýirde aıaqtalady, dep habarlaıdy QazAqparat tilshisi.

Shymkentte jylytý maýsymy ótken jyldyń qazan aıynyń 15 kúni bastalǵan bolatyn.

Qalada ortalyqtandyrylǵan jylý júıesine 1945 turǵyn úı, 256 bilim, 109 medıtsınalyq, 33 sport, 70 mádenıet jáne 14 áleýmettik nysan qosylǵan.

Shahar ákimdiginiń habarlaýynsha erteńnen bastap ortalyqtandyrylǵan jylý júıeleri arqyly jylý berý toqtatylady.

Aıta keteıik, búgin qalada kún raıy jylynyp keledi. Qazgıdromettiń boljamyna sáıkes, 1 sáýirden bastap termometr kúndiz +12-20 gradýsqa, túnde +5-7 gradýsqa deıin kóteriledi dep kútilýde.