Erteńnen bastap QR Prezıdenttigine 3 kandıdat ózderiniń úgit-nasıhat jumystaryn bastaıdy
Aıta keteıik, elimizdiń Ortalyq saılaý komıssııasy QR Prezıdenttigine kandıdat retinde «Nur Otan» partııasy atynan Nursultan Nazarbaevty, Qazaqstannyń kommýnıstik halyq partııasy atynan Turǵyn Syzdyqovty, kezekten tys prezıdenttik saılaýǵa ózin-ózi usynǵan Ábilǵazy Qusaıynov tirkegen bolatyn. Olardyń barlyǵy da QR Prezıdenttigine kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııasynyń emtıhanyn tapsyryp, «Qazaqstan Respýblıkasyndaǵy saılaý týraly» QR Konstıtýtsııalyq zańynda talap etiletin barlyq qujattardy OSK-ge ótizgen. Sonymen qatar, 1 mln. 60 myń teńge kólemindegi saılaý jarnasyn da tóledi.
QR Prezıdenttigine kandıdat bolyp tirkelý úshin úmitkerler saılaýshylardyń 93 myńnan astam rastalǵan qolyn jınaý kerek bolatyn. Eń aldymen, N.Nazarbaev óz qoldaýshylarynyń 560 523 rastalǵan qolyn jınady.
Al kezekten tys prezıdenttik saılaýǵa ózin-ózi usynǵan Ábilǵazy Qusaıynov saılaýshylardyń 132 152, Qazaqstannyń kommýnıstik halyq partııasynyń atynan kezekten tys prezıdenttik saılaýǵa túsip otyrǵan T.Syzdyqov saılaýshylardyń 98 384 rastalǵan qolyn jınaǵan.