Erteńnen bastap Aqtóbe áýejaıynyń jumysy qaıta jandanady

NUR-SULTAN. QazAqparat – Erteń Aqtóbe qalasynyń áýejaıy jumysyn qaıta bastaıdy, dep habarlaıdy QazAqparat tilshisi.

Qazaqstannyń avıatsııalyq ákimshiliginiń sheshimine sáıkes Aqtóbe áýejaıy 2022 jylǵy 28 naýryzdan bastap jumysyn qaıta bastaıdy.

«Buryn oryndalatyn barlyq ishki jáne halyqaralyq reıster kezeń-kezeńimen qalpyna keltiriledi. Áýe bıletterdi aıyrbastaý, qaıtarý, ushý ýaqytyn aýystyrý boıynsha barlyq máseleler boıynsha olardy satyp alǵan jerge habarlasý qajet ekenin esterińizge salamyz», - dep jazylǵan áýejaıdyń Instagram paraqshasynda.

Sondaı-aq, habarlamada bıyl Aqtóbeden jańa áýe baǵyttaryn ashý jalǵasatyny aıtylǵan.

Eske sala ketsek, buǵan deıin atalǵan áýejaıdyń 2 aptaǵa jabylatyny habarlandy.

Áýejaıydyń ushý-qoný alańy zaqymdanyp, basqarma tóraǵasy Dastan Malıev jóndeý júrgiziletinin aıtqan bolatyn.