Erteń túrki tildes elder oqý oryndarynyń onlaın kontserti ótedi
«Bilim. Ǵylym. Baýyrlastyq». 2 maýsym kúni osyndaı ataýmen túrki tildes elderi joǵary oqý oryndary ónerpazdarynyń kontserti ótedi. Bul jóninde Qazaq ulttyq qyzdar pedagogıkalyq ýnıversıtetiniń baspasóz qyzmeti málim etti.
«Maqsat – túbi bir týysqan memleketterdiń bilim, ǵylym jáne mádenı yntymaqtastyǵynyń damýyn arttyrý, talantty jastarǵa qoldaý kórsetý. Sharaǵa Qazaq ulttyq qyzdar pedagogıkalyq ýnıversıteti, Túrkııanyń Nıgde Ómer Halısdemır ýnıversıteti jáne Qyrǵyz Respýblıkasynyń Júsip Balasaǵun atyndaǵy Qyrǵyz memlekettik ýnıversıtetiniń óner ujymdary qatysady» delingen habarlamada.
Sonymen qatar kontsert barysynda atalǵan joǵary oqý orny ókilderi ózara áriptestik baılanysty damytý boıynsha atqarylyp jatqan jumystar tóńiregindegi aqparatpen bólisedi.
Aıta keteıik, onlaın kontsert Qyzdar ýnıversıtetiniń YouTube jelisindegi resmı arnasynda tikeleı efırde ótedi.