Erteń Shavkat Mırzıeev pen Olaf Sholts Samarqanda kelissóz júrgizedi

<p>TAShKENT. KAZINFORM &ndash; Prezıdent Shavkat Mırzıeevtiń shaqyrýymen 15-16 qyrkúıek kúnderi Germanııanyń Federaldyq kantsleri Olaf Sholts Ózbekstanǵa resmı saparmen keledi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan prezıdentiniń baspasóz qyzmetinen málim etkendeı, sapar aıasynda Shavkat Mırzıeev pen Olaf Sholts Samarqanda kelissóz ótkizedi. Onyń barysynda Ózbekstan men Germanııa arasyndaǵy yntymaqtastyqty odan ári damytý máseleleri qaralady.

Kelissózde taraptar saýda-ekonomıkalyq, ınvestıtsııalyq áriptestikti keńeıtý, jetekshi nemis kompanııalary jáne bankterimen kooperatsııany tereńdetý, eńbek kóshi-qony máselelerine erekshe nazar aýdarmaq.

Sondaı-aq, Ózbekstan basshysy men Germanııa kantsleri eki eldiń isker toptarymen birlesken kezdesý ótkizedi.

Olaf Sholts Ózbekstannan keıin Qazaqstanǵa resmı saparmen barady. Sapar aıasynda Astanada joǵary deńgeıdegi kelissózder, sondaı-aq «Ortalyq Azııa + Germanııa» formatyndaǵy ekinshi kezdesý ótedi.