TAShKENT. KAZINFORM – Ózbekstan basshysy Shavkat Mırzıeev Túrkııanyń prezıdenti Rejep Taııp Erdoǵannyń shaqyrýymen 6 maýsymda Ankaraǵa resmı saparmen barady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Sapardyń baǵdarlamasyna saı, eki el basshylarynyń tóraǵalyǵymen Ankara qalasynda strategııalyq yntymaqtastyq keńesiniń úshinshi otyrysy ótedi. Onyń aıasynda ózbek-túrik qarym-qatynasyn odan ári damytý jáne nyǵaıtý máseleleri qaralady.
Kelissóz barysynda eń aldymen ózara taýar aınalymyn ulǵaıtý, ónerkásiptik yntymaqtastyq, «jasyl» energetıka, toqyma, farmatsevtıka jáne agrarlyq sektordaǵy jobaraldy ilgeriletýge erekshe nazar aýdarylmaq.
Kezdesý qorytyndysy boıynsha birqatar mańyzdy qujattarǵa qol qoıý josparlanǵan.
Sonymen qatar, Ózbekstan men Túrkııa prezıdentteri eki eldiń jetekshi kásiporyndarynyń basshylarymen alǵashqy birlesken kezdesý ótkizedi.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.