Erteń ótetin Respýblıkalyq jastar forýmyn barlyq ınternet paıdalanýshylar kóre alady

   ASTANA. 23 aqpan. QazAqparat - Erteń elordadaǵy Prezıdenttik mádenıet ortalyǵynda  QR Bilim jáne ǵylym mınıstrligi men Qazaqstan jastar kongerisiniń uıymdastyrýymen «Birlik.kz» Respýblıkalyq jastar forýmy ótedi.

Forýmnyń negizgi maqsaty respýblıka jastaryn Elbasy N. Nazarbaevtyń Qazaqstan halqyna arnaǵan Joldaýynda júktelgen mindetterdi júzege asyrýǵa jumyldyrý bolyp tabylady.

Bul rette, forým barysynda Memleket basshysynyń jyl saıynǵy Qazaqstan halqyna Joldaýynda aıtylǵan bastamalardy júzege asyrý joldaryn talqylaý josparlanǵan.

«Qazirgi álemde beıbitshilik pen kelisimdi nyǵaıtý men saqtaý, qaqtyǵyssyz ómirdi qalyptastyrý máseleleri túrli etnostar arasyndaǵy ǵana emes, túrli áleýmettik toptardyń, saıası jáne dinı kózqarastary qaıshy ókilderdiń arasyndaǵy ózekti máselege aınalyp keledi», - delingen baspasóz aıǵaǵynda.

Al Qazaqstan jastary kongresiniń atqarýshy dırektory Shahmardan Baımanovtyń aıtýynsha, álemdik qaýymdastyqpen qatar árbir jeke memleketti damytýdyń basym mindetteri  birlikti, tózimdilikti ásirese, jastar arasynda qalyptastyrýǵa baǵyttalǵan is-sharalar bolýy shart.

Forýmnyń jalpy otyrysynda tvıt-translıatsııa uıymdastyrylmaq. Osylaısha alqaly jıyn barlyq ınternet paıdalanýshylar úshin ashyq bolady dep josparlanǵan.

Jıyn qorytyndysy boıynsha el jastaryna úndeýdiń joldanýy kútilýde.