Erteń Memlekettik basqarý akademııasy semınaryna óńirlerden 300 ákim qatysady

ASTANA. QazAqparat - QR Prezıdenti janyndaǵy Memlekettik basqarý akademııasynda 24-25 aqpan aralyǵynda ótetin semınarǵa aýdandyq mańyzy bar qalalardan, aýyldyq okrýgter men eldi mekenderden 300-ge jýyq ákim qatysady, dep habarlaıdy strategy2050.kz.

«Semınar Elbasynyń memlekettik qyzmetti jańǵyrtý jáne kásibı memlekettik apparatty qalyptastyrýǵa qatysty tapsyrmasy aıasynda uıymdastyrylady», - dep delingen atalmysh akademııanyń habarlamasynda.

Aıta keterlik jaıt, aımaqtyq ortalyqtarda memlekettik qyzmetkerlerdi oqytý onlaın-translıatsııa arqyly júzege asyrylatyn bolady.

Semınarǵa QR Prezıdenti Ákimshiliginiń Basshysynyń orynbasary Ǵ.Ábdirahymov, Memlekettik qyzmet isteri agenttiginiń tóraǵasy Á.Baımenov jáne memlekettik organdardyń ókilderi men basshylary qatysady.