Erteń elimizdiń 19 óńirinde kún buzylady
Abaı oblysynyń shyǵysy, ońtústigi men ortalyǵynda boran kóktaıǵaq bolýy múmkin. Oblystyń batys, ortalyq, ońtústik bóligine ońtústik-batystan, batystan jel soǵady. Jyldamdyǵy – 15-20 m/s. Semeı qalasynda túnde jáne tańerteń boran, kóktaıǵaq bolady.
Aqmola oblysynyń soltústigi, batysynda burqasyn bolady. Soltústigi, ońtústik-shyǵysynda tuman, kóktaıǵaq bolýy múmkin. Oblystyń soltústigi, batysyna ońtústik-shyǵystan jel soǵady. Ekpini – 15 m/s. Soltústiginde jyldamdyǵy sekýndyna 23-28 metrge jetedi. Kókshetaý qalasynda kúndiz jolda kóktaıǵaq bolady. Ońtústik-batystan tańerteń jáne kúndiz 15-20 m/s jel turady.
Aqtóbe oblysynyń soltústik bóliginde jaıaý burqasyn bolýy múmkin. Batys, soltústik, ortalyǵynda kóktaıǵaq bolady. Ońtústik-batystan soqqan jel soltústikke aýysyp, jyldamdyǵy 15-20 m/s bolady. Aqtóbe qalasynda kóktaıǵaq, túnde jaıaý burqasyn bolady. Ońtústik-batystan soqqan jel soltústikke aýysyp, ekpini kúndiz 15-20 m/s jetedi.
Astana qalasynda ońtústik batystan jyldamdyǵy sekýndyna 15-20 metrge jetetin jel soǵady.
Atyraý oblysynyń soltústik, ońtústik, shyǵysynda kóktaıǵaq, jaıaý burqasyn bolady. Ońtústik-batystan soqqan jel soltústikke aýysyp, túnde soltústiginde 15-20 m/s, kúndiz oblystyń kóp bóliginde 17-22 m/s bolady. Atyraý qalasynda kóktaıǵaq bolady. Ońtústik-batystan turǵan jel soltústikke aýysyp, kúndiz ekpini sekýndyna 17-22 metrge jetedi.
Shyǵys Qazaqstan oblysynda jaýyn-shashyn, oblystyń soltústik-shyǵysynda qar jaýady. Boran, kóktaıǵaq bolady. Soltústik, shyǵys, ońtústik bóligine shyǵystan, ońtústik-shyǵystan 15-20 m/s jel soǵady. Óskemen qalasynda boran, kóktaıǵaq bolady.
Jetisý oblysynyń soltústigi, ortalyǵy men taýly aımaǵynda túnde jáne ortalyǵy men ońtústiginde kúndiz kóktaıǵaq bolady. Soltústik-shyǵysqa ońtústik-shyǵystan jel soǵyp, jyldamdyǵy 15-20 m/s jetedi.
Batys Qazaqstan oblysynyń shyǵysy, ońtústiginde kóktaıǵaq bolýy múmkin. Oblystyń soltústiginde túnde jaıaý burqasyn bolady. Ońtústik, shyǵysyna soltústikten, soltústik-batystan jel turady. Jyldamdyǵy – 15-20 m/s. Aýa temperatýrasy kúrt tómendep mınýs bir, plıýs tórt gradýs, ońtústiginde mınýs 10 gradýs bolady. Oral qalasynda túnde jaıaý burqasyn bolýy múmkin.
Qaraǵandy oblysynyń ońtústik-shyǵysynda tuman túsedi. Oblystyń soltústigine ońtústik-batystan jel soǵyp, ekpini 15-20 m/s jetedi.
Qostanaı oblysynyń kóp bóliginde qar jaýady, kúndiz oblys aımaqtarynda jaýyn-shashyn bolady (qar, jańbyr). Boran turady. Oblys ortalyǵynda kóktaıǵaq bolyp, tuman túsedi. Oblystyń soltústik, shyǵysyna ońtústikten soqqan jel birtindep soltústik-batysqa aýysady. Ekpini – 15-20 m/s, shyǵysynda – 23-28 m/s. Qostanaı qalasynda burqasyn bolady. Ońtústikten soqqan jeldiń jyldamdyǵy sekýndyna 15-20 metrge jetedi.
Qyzylorda oblysynyń soltústiginde kúndiz kóktaıǵaq bolady. Oblys ortalyǵynda tuman túsedi. Qyzylorda qalasynyń keı jerlerinde tuman bolady.
Mańǵystaý oblysyndasoltústik-batystan soqqan jeldiń jyldamdyǵy kúndiz 15-20 m/s bolsa, soltústik-batysynda 23 m/s deıin jetedi. Aqtaý qalasynda soltústik-batystan jel turyp, kúndiz ekpini 15-20 m/s bolady.
Pavlodar oblysyndaboran turady. Kúndiz batys, soltústikke ońtústik-batystan jyldamdyǵy 15-20 m/s jel soǵady.
Soltústik Qazaqstan oblysynyń kóp bóliginde qar jaýady. Soltústik, batys bóliginde boran, kúndiz kóktaıǵaq bolýy múmkin. Oblystyń soltústik, batys bóligine túnde ońtústik-batystan jel soǵyp, 15-20 m/s, keı jerlerde 25 m/s jetedi. Petropavl qalasynda jaıaý burqasyn bolady. Kúndiz kóktaıǵaq bolýy múmkin. Ońtústik-batystan 15-20 m/s jel turady, ekpini kúndiz 25 m/s jetýi múmkin.
Túrkistan oblysynyń soltústiginde tuman túsedi. Oblystyń batys, ońtústik, taýly jáne taýǵa jaqyn aımaqtaryna ońtústik-shyǵys, ońtústikten jel soǵady. Jyldamdyǵy – 15-20 m/s. Túrkistan qalasynda 15-20 m/s ońtústik-shyǵystan, shyǵystan jel turady.
Ulytaý oblysynyń soltústigi, batysynda kúndiz ońtústikten, ońtústik-shyǵystan ekpini 15-20 m/s jel soǵady.
Shymkent qalasynda jyldamdyǵy 15-20 m/s bolatyn ońtústik-shyǵystan, shyǵystan jel turady.
Túrkistan jáne Jambyl oblystarynyń taýly aımaqtarynda aralas jaýyn-shashyn túsip, aýa temperatýrasy qolaıly bolatyndyqtan, ózen sýynyń deńgeıi kóterilip, betkeılik aǵyn túzilýi múmkin, al Almatyda qardyń qalyń ári turaqsyz bolýyna baılanysty Kishi jáne Úlken ózen basseınderiniń taý baýraıynda qar kóshkini júrý qaýpi bar.