Erteń bir mezgilde el boıynsha dabyl sırenalary iske qosylady

<p>Erteń, 23 qarasha kúni, Astana ýaqytymen saǵat 12:55-te respýblıka boıynsha halyqty qulaqtandyrý sırenalary iske qosylady.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly Tótenshe jaǵdaılar mınıstrligine silteme jasap habarlaıdy.</p>

Vedomstvo málimetine súıensek, el boıynsha bir mezgilde qulaqtandyrý júıesin tekserý júrgiziledi. Ol úshin elektr sırenalary, sırenalyq-sóıleý qurylǵylary iske qosylyp, televıdenıe jáne radıoǵa qosylý júrgiziledi.

Іs-shara «Qys-2023» respýblıkalyq komandalyq-shtabtyq oqý-jattyǵýy aıasynda ótkizilgeli otyr.

«Esterińizge sala keteıik, tótenshe jaǵdaı oryn alǵan kezde halyqtyń nazaryn aýdarý úshin elektr sırenalary, sırenalyq-sóıleý qurylǵylary nemese basqa da dabyl quraldary qosylady, ol «Barshanyń nazaryna!» biryńǵaı qulaqtandyrý dabylyn bildiredi.

Bul dabyldy estigen kezde turǵyndar sol mezette áreket etý týraly málimetter men nusqaýlar alý úshin qoljetimdi aqparat qabyldaý quraldaryn (telearnalar, radıolar, ınternet saıttar, áleýmettik jeliler, mobıldik qurylǵylarǵa arnalǵan qosymshalar jáne taǵy basqasy) dereý qosýy kerek.

Tótenshe jaǵdaılar mınıstrligi azamattardy sabyr saqtap, úreıge boı aldyrmaýǵa shaqyrady», - delingen aqparatta.