Erteń birneshe óńirde 40 gradýsqa deıin aıaz bolady - Qazgıdromet

ASTANA. QazAqparat – Qazgıdromet 10 qańtarda birneshe óńirde aýa raıyna baılanysty eskertý jarııalady, dep habarlaıdy QazAqparat.

Jetisý oblysynda qalyń qar jaýady. Oblystyń ońtústiginde, taýly aýdandarda tuman, kóktaıǵaq, jaıaý burqasyn soǵady.

Batys Qazaqstan oblysynyń soltústik-shyǵysynda, shyǵysynda 35 gradýs qatty aıaz bolady.

Atyraý oblysynyń soltústiginde 30 gradýs aıaz kútiledi.

Qaraǵandy oblysynyń soltústiginde 35-36 gradýs qatty aıaz bolady.

Túrkistan oblysynyń ońtústiginde, taýly jáne taý bókterli aýdandarynda qatty qar kútiledi. Oblystyń ońtústiginde, taý bókterli aýdandarynda tuman, kóktaıǵaq bolady. Oblystyń taýly aýdandarynda burqasyn soǵady.

Shymkent qalasynda qalyń qar, tuman, kóktaıǵaq bolady.

Qostanaı oblysynyń shyǵysynda 40 gradýs qatty aıaz kútiledi.

Almaty oblysynyń ońtústiginde, taýly jáne taý etegindegi aýdandarda qatty qar jaýady. Oblystyń ońtústiginde, taýly jáne taý etegindegi aýdandarda tuman, kóktaıǵaq, jaıaý burqasyn soǵady.

Almaty qalasynda 10 qańtarda tańerteń jáne kúndiz keı ýaqytta qatty qar jaýady. Keı ýaqytta tuman, kóktaıǵaq boljanady.

10-11 qańtarda Mańǵystaý oblysynda 25 gradýs aıaz kútiledi.