Erteń bastalatyn Azııa oıyndaryna Qazaqstannan 524 atlet qatysady

<p><span style="font-family: sans-serif; font-size: 18px;">23 qyrkúıek pen 8 qazan aralyǵynda Qytaıdyń Hanchjoý qalasynda HІH jazǵy Azııa oıyndary ótedi, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.&nbsp;</span></p>

Osy aralyqta sary qurlyqtaǵy 45 eldiń 15 myńnan astam ókili 40 sport túrinen 481 medal jıyntyǵyn sarapqa salady.

Oıynnyń ashylý rásimi 23 qyrkúıekte Olımpıada sport ortalyǵy stadıonynda ótedi.

Qazaqstan Hanchjoý qalasyna 30 sport túrinen 524 atlet (262 er, 262 áıel) aparady.

Onyń ishinde Olımpıada baǵdarlamasyna kiretini 27, qalǵan úsheýi - olımpıadalyq emes sport túri.

Sonymen qatar, aldaǵy dodada sporttyń 8 túrinen: boks, sadaq atý, qazirgi bessaıys, júzý, breıkıng, kógaldaǵy hokkeı, tennıs pen jeńil atletıkadan Parıj Olımpıadasyna lıtsenzııa oınatylady

Sondaı-aq sporttyń 4 túrinen: taekvondo, dzıýdo, trıatlon, badmıntonnan reıtıngtik upaılar sarapqa salynady.

Aıta keteıik, Azııa oıyndary - Azıada dep te atalady - Azııa Olımpıadalyq keńesiniń (AOK) basqarýymen Azııa qurlyǵynyń sportshylary arasynda 4 jylda bir ret ótetin keshendi sporttyq jarys.

Halyqaralyq Olımpıada komıteti resmı túrde kontınenttik oıyndar retinde tanyǵan.

Qazaqstan 1994 jyldan beri Azııa oıyndaryna segizinshi ret qatysyp jatyr.