Erteń Atyraýǵa drondar gýmanıtarlyq júkti jetkizedi

<p>ASTANA. KAZINFORM &ndash; Búgin Qazaqstanǵa avtonomdy drondar jetkizildi, erteńnen bastap olardyń kómegimen sý basqan óńirlerge zattar men taýarlar jiberilmek. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstrliginiń resmı ókili Albına Áten málim etti.</p>

«Amerıkalyq startap ARC Drones negizin qalaýshylar Álibek Eltaı jáne Ásel Tursyn elimizdegi sý tasqynymen kúreste kómekke avtonomdy drondardy usyndy. Drondar medıtsınalyq qajettilikterdi, gýmanıtarlyq kómekti, azyq-túlik jáne basqa da qajetti taýarlardy shalǵaı aımaqtarǵa jetkizedi. Qazaqstanǵa drondar búgin ákelinedi, al erteń Tótenshe jaǵdaılar mınıstrligimen birlese Atyraý qalasynda júkti jetkizýdi josparlap otyr», - dedi Albına Áten Ortalyq kommýnıkatsııalar qyzmeti alańynda ótken baspasóz máslıhatynda. 

Resmı ókildiń málimdeýinshe, Astana Hub sý tasqynyn basqarý boıynsha 30-dan astam ınnovatsııalyq sheshimderdi jınaqtap, Tótenshe jaǵdaılar mınıstrligine qaraýǵa usyndy.

Eske sala keteıik, sý tasqynyna ushyraǵan óńirlerge gýmanıtarlyq kómekti drondar arqyly jetkiziletini týraly habarlaǵan edik.