ALMATY. QazAqparat – Erteń Almaly aýdanynda bir kún sýyq sý bolmaıdy. Bul týraly «Almaty sý» memlekettik kommýnaldyq kásipornynyń baspasóz qyzmeti málim etti, dep habarlaıdy QazAqparat tilshisi.
Kásiporynnyń málimetinshe, sýmen jabdyqtaý jelilerindegi josparly jumystarǵa baılanysty birqatar turǵyn úı men ǵımarattar sýyq sýdan ajyratylady.
«8 maýsym kúni tańǵy saǵat 9:00-den keshki saǵat 20:00-ge deıin Tilendıev – Raıymbek – Rozybaqıev – Dúısenov kósheleriniń boıynda ornalasqan turǵyn úıler men ózge de ǵımarattarǵa sýyq sý berý ýaqytsha toqtatylady», - delingen habarlamada.
«Almaty sý» mekemesi ýaqytsha qolaısyzdyqqa túsinistikpen qaraýdy ótinedi.
Alma Muqanova
Alma Muqanova T. Júrgenov atyndaǵy óner akademııasynyń «Kıno jáne Televızııa» fakýltetiniń túlegi. Jýrnalıstıka salasynda 20 jyldan beri eńbek etip keledi. Aımaqtyq, respýblıkalyq telearnalarda túrli qyzmetter atqarǵan. 2019 jyldan beri - QazAqparat agenttiginiń tilshisi. QR Jýrnalıster odaǵynyń múshesi.