Erteń Almatyda qalyń qar jaýady: turǵyndarǵa eskertý jasaldy

<p>ALMATY. KAZINFORM&nbsp; &ndash; Almatyda sársenbi kúni, ıaǵnı 8 qańtar kúni qar jaýyp, tuman jáne kóktaıǵaq bolady.</p>

Osyǵan baılanysty Almatynyń kommýnaldyq qyzmeti kúsheıtilgen jumys rejımine kóshti.

«Qazgıdromet» RMK-nyń málimetinshe, 8 qańtar kúni túnde jáne tańerteń qalada qardyń qalyńdyǵy 9 mm-ge deıin jetip, kóktaıǵaq bolýy múmkin. Aýa temperatýrasy túnde -5…-7 °S-qa deıin tómendep, kúndiz -2…0 °S shamasynda bolady.

7 qańtar kúni 438 arnaıy tehnıka men 968 jumysshy daıyndaldy. 2024-2025 jyldary qysqy maýsym bastalǵaly beri 220 myń tekshe metr qar shyǵaryldy.

Joldy ýaqytyly ári tıimdi tazartý úshin kommýnaldyq ınfraqurylymdy damytý basqarmasy qala turǵyndaryna mynadaı eskertý jasaıdy:

– Avtokólikterdi, ásirese túngi ýaqytta, jol jıeginde qoımaýǵa.

– Joldar men avtoturaqtar boıyna ornatylǵan eskertý konýstaryna nazar aýdarýǵa.

– Qar shyǵarý jumystary taýly jáne taý bókterindegi aýdandarda erekshe nazarǵa alynyp, qar kúreý jumystary belsendi júrgiziledi.

Mamandar, kóktaıǵaqqa baılanysty kólik júrgizýshilerinen jyldamdyq rejımi men kólikter arasyndaǵy qashyqtyqty saqtaý jáne qar shyǵarý tehnıkasy jumys istep jatqan aýmaqtarda kólik qoımaýǵa shaqyrady.

– Jaıaý júrginshiler joldan ótkende, ásirese kóshe durys kórinbeı qalǵan kezde jáne jol taıǵaq bolǵan jaǵdaıda, asa saq bolǵany jón, – dep atap ótti Almatynyń Kommýnaldyq ınfraqurylymdy damytý basqarmasynan.

Osyǵan deıin aýa raıynyń qolaısyzdyǵyna baılanysty eki oblysta jol jabylǵany týraly jazǵan edik.