Erte zamanda Pavlodarda kerikter men úsh tuıaqty jylqylar ómir súrgen

PAVLODAR. QazAqparat - Mundaı janýarlardyń súıegi Pavlodar qalasyndaǵy «Qazqonaq» tabıǵı eskertkish ornynan tabylǵan, dep habarlaıdy QazAqparat Pavlodarnews.kz saıtyna silteme jasap.

G.Potanın atyndaǵy Pavlodar oblystyq tarıhı-ólketaný mýzeıiniń qorynda «Qazqonaq» ornynan tabylǵan jádigerler saqtaýly. Mýzeıdiń ekskýrsııa bóliminiń jetekshisi Nadejda Maıba atalǵan orynnan tabylǵan erekshe eksponattar týraly aıtyp berdi.

«1928 jyly paleontolog ıÝrıı Orlov qalamyzdaǵy Ertistiń oń jaǵalaýynda ejelgi zamanǵy, osydan 5-7 mıllıon jyl buryn ómir súrgen janýarlardyń súıegin anyqtaǵan. Ol jerde kóptegen qazba jumystary júrgizildi. Barlyǵy eki vagon janýarlardyń súıegi tabylǵan», - dedi Nadejda Maıba.

Solardyń ishinde erekshe jádigerlerdiń biri – úsh tuıaqty jylqy Gıpparıonnyń súıegi. Qazirgi jylqylardan aıyrmashylyǵy – boıy alasa, úsh tuıaǵymen erekshelenedi.

«Ol shapqan kezde aldyńǵy úlken tuıaǵyna kúsh salady, al aqyryn júrgende úsheýine de súıenedi. Tisiniń ornalasýy da erekshe bolǵan. Ol jumsaq shópti julyp jeı bilgen. Sondyqtan bul jerde jumsaq ósimdikter boldy dep aıtýǵa bolady. Olar úıir bolyp, kóp mólsherde ómir súrgen. Soltústik Amerıkadan Eýropaǵa qonystanyp, keıin osynda kelgen», - dedi Nadejda Maıba.

Sondaı-aq «Qazqonaqta» ejelgi keriktiń de súıegi tabylǵan. Búginde mýzeıde keriktiń jaq súıeginiń bóligi men aldyńǵy aıaǵynyń súıegi saqtalǵan.

«Bul keriktiń jabaıy túri – paleotragýstyń súıegi. Olar Afrıkadan kelgen. Búginde osyndaı kerikter Afrıkada bar. Olar «okap» dep atalady. Denesi kishkentaı bolyp keledi», - dedi Nadejda Maıba.

Mýzeı qyzmetkeriniń aıtýynsha, súıekterdiń atalǵan janýarlarǵa tıesili ekeni zerthanada zerttelip, dáleldengen.

«Atalǵan orynnan tabylǵan eki vagon súıekti sol kezde Máskeýge jibergen. Sonda zerthanada saraptamalar jasalǵan. Zertteýmen ıÝrıı Orlov ózi aınalysyp, keıin kitap qylyp shyǵarǵan», - dedi Nadejda Maıba.

Sonymen qatar, «Qazqonaqta» bóken, buǵy, múıiztumsyq jáne taǵy basqa barlyǵy 60-qa jýyq janýardyń túri ómir súrgen.

Nadejda Maıbanyń aıtýynsha, «Qazqonaq» – álemde tabıǵattaǵy úzdik 20 eskertkishtiń qataryna jatady. Mundaı bizdiń qalamyzda jáne Grekııanyń Afına qalasynda bar.

Foto: pavlodarnews.kz