Ernar Shambaev «Toǵyzqumalaq» mobıldi qosymshasyn jasaýǵa 10 jyl ýaqyt jumsaǵan

ASTANA. QazAqparat - «Toǵyzqumalaq» zııatkerlik oıynnyń mobıldik qosymshasyn ázirlegen Ernar Shambaevty zııatkerlik oıyndardy damytýǵa qosqan úlesi úshin qurmet belgisimen marapattaldy. Bul týraly QazAqparat federatsııanyń baspasóz qyzmetine silteme jasap habarlaıdy.

Baǵdarlamashy Ernar Shambaev toǵyzqumalaq  oıynynyń «Android» jáne «Windows» operatsııalyq júıelerine arnalǵan qosymshasyn ázirlegen. Mobıldik qosymsha zııatkerlik oıyndardyń áýesqoılary arasynda qysqa ýaqytta tanymal boldy jáne kompıýterlik baǵdarlamalar arasynda ótetin álem chempıonattarynda 4 ret jeńimpaz atalǵan. Osy mobıldi qosymshany ázirleý úshin Ernar 10 jyl ýaqyt jumsaǵan.

«Toǵyzqumalaq zııatkerlik oıyny - jastardy tárbıeleýdiń tıimdi quraly, ol logıkalyq oılaýdy, jiger men tabandylyq sııaqty qasıetterdi damytýǵa yqpal etedi.  Bizdiń dástúrli oıynymyz qazirgi zamannyń talapyna saı bolyp, jastardyń búgingi qajettilikterin qanaǵattandyratynyna qýanyshtymyn.  Qazirdiń ózinde mobıldi qosymshany qoldanyp, týrnırler ótkizilýde. Toǵyzqumalaqtyń mobıldi nusqasy oıynǵa degen qyzyǵýshylyqty odan ári arttyratynyna senimdimin», - dedi marapattaý rásiminde Dúnıejúzilik toǵyzqumalaq federatsııasynyń prezıdenti Álıhan Báımenov.

kompıýterlik lıngvıstıkany shetelde oqyǵan. Sondaı-aq, ol qazaq tilindegi mátinderdi kırıllıtsadan jańa latyn grafıkasyna aınaldyrýǵa múmkindik beretin «Jańa qazaq»  qosymshasynyń avtory bolyp tabylady.

Aıta keteıik, toǵyzqumalaq tek Qazaqstanda ǵana emes, sonymen qatar Germanııa, Chehııa, Frantsııa, Shveıtsarııa jáne tipti Kolýmbııa sııaqty álemniń kóptegen elderinde de tanymal. Qazaqstanda toǵyzqumalaqpen eki júz myńnan astam adam shuǵyldanady.