Ermekbaev jańa zań jobasy týraly: Adamnyń betin jabatyn kıimge tyıym salynbaq

ASTANA. QazAqparat - Qazaqstanda destrýktıvti dinı aǵymdardyń erekshe belgilerin qalyń buqaraǵa nasıhattap kórsetýge tyıym salynady. Bul týraly búgin Májiliste «QR keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý» týraly zań jobasyn tanystyrý barysynda QR Din isteri jáne azamattyq qoǵam mınıstri Nurlan Ermekbaev aıtty, dep habarlaıdy QazAqparat.

«Destrýktıvti dinı aǵymdar» jáne «dinı radıkalızm» atty jańa túsinikter engiziledi. Olardy engizý din salasynda destrýktıvti qyzmetti aıqyndaýǵa ári oǵan baǵa berýge múmkindik beriledi. Sonymen qatar usynylyp otyrǵan qujatta destrýktıvti dinı aǵymdardyń atrıbýttaryn jáne syrtqy belgilerin paıdalanýǵa ári jalpy túrde jarııalaýǵa tyıym salý qarastyrylǵan. Bul belgilerdi QR ІІM jáne QR UQK-men bizdiń birlesken buıryqpen zańǵa táýeldi aktimen bekitý usynylady», - dep naqtylady Nurlan Ermekbaev.

Osy oraıda mınıstr negizgi nyshandar aldyn ala qarastyrylatynyn atap ótti.

«Ekinshiden, jobada qoǵamdyq oryndarda adamnyń bet ajaryn tanýǵa kedergi jasaıtyn kıimdi kııýge tyıym salý usynylǵan», - dedi N. Ermekbaev.