Ermek Tursynovtyń «Mámlúk» romany qazaq tilinde jaryq kórdi

ASTANA. QazAqparat - Qazaqstandyq jazýshy, kınorejısser jáne stsenarıst Ermek Tursynovtyń "Mámlúk" romany qazaq tilinde jaryq kórdi, dep habarlaıdy QazAqparat.

Bul týraly aýdarmanyń avtory, jýrnalıst Serik Ábiken Facebook-tegi paraqshasynda aıtty.
 

«Bul shyǵarma osyǵan deıin arab, orys tilderinde basylyp edi. Qazaqsha aýdarmasyn kezinde Gerold Belger oqyp, "Jas Alash" gazetinde maqtaǵan bolatyn. 11 jyl degende qarjylaı qoldaý tabylyp,  jaryq kórdi», - delingen jazbada.

Jýrnalıstiń aıtýynsha, "Mámlúk" romany Beıbarys sultannyń ómirin jan-jaqty sıpattap qana qoımaıdy, ol - Tursynovtyń arab elderin aralap, tam-tumdap jıǵan derekteriniń, dinı fılosofııa, kóne jazbalardyń qazynasy. Onda tek Sultan taǵdyry týraly emes, tutas adamzat jaratylysy jóninde málimet alýǵa bolady.

Atalǵan kitap jaqyn kúnderi satylymǵa shyǵady.