Ermek Marjyqpaev óńirdegi qus tumaýyna qarsy sharalar týraly aıtty

NUR-SULTAN. QazAqparat – Aqmola oblysy ákimi Ermek Marjyqpaev óńirde qus tumaýynyń taralýyna jol bermeý sharalary jaıynda aıtty, dep habarlaıdy QazAqparat tilshisi.

«Qus tumaýy elimizdiń birqatar óńirlerin sharpydy, onyń ishinde Aqmola oblysy da bar. Naqtyraq aıtqanda, bizdiń óńirde bul kórsetkish tómen boldy. Aýrýǵa 2,5 bas qus shaldyqty, onyń barlyǵy 18 aýylda anyqtaldy. Jedel túrde karantındik beketter qoıylyp, aýrý oshaqtary joıyldy», - dedi ákim Ortalyq kommýnıkatsııalar qyzmetinde.

Sonymen qatar ol jedel sharalardyń arqasynda atalǵan aýrý qus fabrıkalaryna deıin jetpegenin atap ótti.

«Ókinishke qaraı, keıbir oblystar osyndaı jaǵdaıǵa tap boldy. Bizdegi jeti qus fabrıkasynda ınfektsııa tirkelmedi. Memleket tarapynan eleýli qoldaý boldy, bizge vaktsııanalar der kezinde jetkizildi», - dedi Ermek Marjyqpaev.