Ermek Marjyqpaev óńirde qashyqtan oqytýdy qatań baqylaýda ustaýdy tapsyrdy
«Koronavırýs pandemııasynan týyndap otyrǵan jaǵdaıǵa baılanysty Aqmola oblysynyń oqýshylary da tórtinshi toqsandy qashyqtan oqýda. Bilim basqarmasyna beıne sabaqtardy kórsetý kezindegi jol berilgen qatelerdi anyqtaý jáne túzetý, oqýshylardyń materıaldy ıgerýi, pedagogtar jumysyndaǵy uıymdastyrý máselelerin sheshý maqsatynda jańa tórtinshi toqsannyń alǵashqy jumys
kúnine monıtorıng júrgizýdi tapsyramyn», - dedi Ermek Marjyqpaev.
Sonymen qatar, aımaq basshysy bıylǵy jyldyń alǵashqy toqsanynyń qorytyndysy boıynsha oblystyń áleýmettik-ekonomıkalyq damý kórsetkishteriniń oryndalýyna nazar aýdardy. Ekonomıka sektorlaryndaǵy ónim óndirý ındeksteriniń ósimi boıynsha esep pen bıýdjet qarjysyn ıgerý jónindegi habarlama tyńdaldy.
Oblys ákimi 42500 teńge kólemindegi áleýmettik tólemderdi tóleý máselesine erekshe toqtaldy. Óńir basshysy aımaqtyń azyq-túlik qaýipsizdigine jeke mán berdi. Aýyl sharýashylyǵy basqarmasyna oblys ortalyǵynyń sórelerine qara mal etin jetkizýdi úılestirý mindeti qoıyldy. Kásipkerlik jáne ónerkásip basqarmasyna Qazaqstan Respýblıkasy Saýda jáne ıntegratsııa mınıstrligi belgilegen shekteýli baǵalardy esepke ala otyryp, azyq-túlik taýarlarynyń negizgi tobyna baǵanyń ósýine monıtorıng júrgizý júkteldi. Osy maqsatta baǵanyń ósýin anyqtaý jóninde reıdter ótkizý jáne olardy buqaralyq aqparat quraldarynda qamtý tapsyryldy.
Keńes sońynda oblysta kóktemgi sý tasqynynyń aldyn alý jóninde TJD bastyǵy Alekseı Sovetovtyń baıandamasyn tyńdap, Shaǵalaly sý qoımasynan sý deńgeıin birtindep túsirý jáne atalǵan máselelerdi erekshe baqylaýda ustaýdy tapsyrdy.