Ermek Marjyqpaev AÁK engizýdiń tetigin túsindirdi
«Memleket basshysy Qasym-Jomart Toqaev Joldaýynda Úkimetke ataýly áleýmettik kómekti engizýdiń tetigin durystaý, ıaǵnı onyń ashyq, ádil bolýyn, sondaı-aq, turmysy tómen otbasylardaǵy balalarǵa kepildendirilgen áleýmettik paketti engizý týraly tapsyrma bergen bolatyn.
Jalpy, 2020 jyly áleýmettik jaǵynan az qamtylǵan 5 myń otbasyǵa (19,3 myń adam) ataýly áleýmettik kómek úshin, 1,4 mıllıard 195 mıllıon teńge qarjy qarastyrylǵan. Oblysta jaǵdaı turaqty, aryz-shaǵym joq. Soǵan qarmastan, biz ataýly áleýmettik kómekti engizýdiń jańa júıesin talqylaýymyz kerek. Áleýmettik biz kóptegen suraqtar týyndap otyrǵanyn kórip otyrmyz. Sondyqtan, túsindirý jumystaryn júrgizýimiz kerek», - dep atap ótti Ermek Marjyqpaev.
Osy rette, oblys ákiminiń orynbasary Qanat Ydrysov ataýly áleýmettik kómek alatyn otbasylardaǵy 4,5 myńnan astam balaǵa gıgıena zattary men azyq-túlik ónimderi kiretin kepildendirilgen áleýmettik paketti usynylady.
Aıta ketý kerek, óńirde 2020 jyly oblystyq bıýdjet esebinen jalpy bilim berý sheńberinde áleýmettik jaǵynan az qamtylǵan otbasylardaǵy 9 myń oqýshyny ystyq tamaqpen qamtamasyz úshin 224,3 mıllıon teńge, keńse taýary men mektep formasymen qatamasyz etý úshin 317,5 mıllıon teńge qarjy qarastyrylǵan.
Jıyn sońynda aımaq basshysy Ermek Marjyqpaev áleýmettik jaǵynan az qamtylǵan otbasylarǵa kepildendirilgen áleýmettik paketti jetkizý jumystaryn jergilikti atqarýshy organdar jan-jaqty sapaly júrgizýdi jáne ony barlyq deńgeıdegi ákimder baqylaýda ustaýyn tapsyrdy.