Ermek Marjyqpaev jańa qyzmetke taǵaıyndaldy

<p>ASTANA. KAZINFORM — Qazaqstan Respýblıkasy Premer-Mınıstriniń ókimimen Ermek Boranbaıuly Marjyqpaev Premer-Mınıstrdiń keńesshisi bolyp taǵaıyndaldy. </p>

Ermek Marjyqpaev 1969 jyly Astana (Tselınograd) qalasynda dúnıege kelgen.

S. Seıfýllın atyndaǵy Aqmola memlekettik pedagogıkalyq ınstıtýtyn, «Turan» ýnıversıtetin jáne Kókshetaý ýnıversıtetin bitirgen.

Eńbek jolyn 1991 jyly dene shynyqtyrý muǵalimi bolyp bastaǵan.

1992-1993 jyldary — Aqmola oblysy Býrabaı kentiniń orta mektebinde muǵalim.

1993-1994 jyldary — «Shonaı» ShJK dırektory.

1994-2008 jyldary — «Bereke-Býrabaı» JShS dırektory.

2008-2012 jyldary — Aqmola oblysy Arshaly aýdanynyń ákimi.

2012-2013 jyldary — Aqmola oblysy Zerendi aýdanynyń ákimi.

2013-2014 jyldary — Aqmola oblysy ákiminiń orynbasary.

2014-2015 jyldary — Qazaqstan Respýblıkasy Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.

2015-2019 jyldary — Aqmola oblysy Kókshetaý qalasynyń ákimi.

2019 jylǵy naýryzdan — Aqmola oblysynyń ákimi.

2023 jylǵy 2 qyrkúıekte Qazaqstan Respýblıkasy Prezıdentiniń Jarlyǵymen týrızm jáne sport mınıstri bolyp taǵaıyndaldy.

Eske salsaq, bıylǵy 31 tamyzda Memleket basshysynyń Jarlyǵymen Ermek Boranbaıuly Marjyqpaev Qazaqstan Respýblıkasynyń Týrızm jáne sport mınıstri laýazymynan bosatylǵan edi.