Ermek Kósherbaev shahtadaǵy qaıǵyly jaǵdaı boıynsha kompanııa jaýapkershiligi týraly aıtty

<p>ASTANA. KAZINFORM &mdash; Shyǵys Qazaqstan oblysynyń ákimi Ermek Kósherbaev shahtada qaza bolǵan jumysshylardyń otbasylaryna qoldaý kórsetiletinin aıtty.</p>

Onyń sózinshe, tıisti komıssııa quryldy. Shahtada qaza bolǵan jumysshylardyń otbasylaryna baryp, jaǵdaıymen tanysqan. Bul qaıǵyly oqıǵa boıynsha tergeý amaldary men komıssııa jumysy aıaqtalǵannan keıin, jaýapkershilik máselesi qaralady.

«Ákimdik marqumdardyń otbasyndaǵy balalaryna kómek kórsetedi. Otbasy múshelerin jumyspen qamtamasyz etýge nazar aýdarylyp otyr. Atap aıtqanda, olar nazardan tys qalmaıdy. Sonymen qatar, tergeý amaldary aıaqtalǵannan keıin, kompanııanyń jaýapkershiligi belgili bolady», - dedi E.Kósherbaev Parlament palatalarynyń birlesken otyrysynyń aldynda tilshiler suraǵyna jaýap bere otyryp.

Buǵan deıin habarlanǵandaı, 31 tamyz kúni Shyǵys Qazaqstan oblysyndaǵy «Ertis» shahtasynda 4 adam qaza boldy.

1 qyrkúıekke qaraǵan túni KAZ Minerals kompanııasyna qarasty «Artemev» shahtasynda ústine tas qulap ketken merdiger uıymnyń úńgýshisi qaza boldy.