Ermek Amanshaev jańa álipbı týraly: Bul - júıeli jumystyń nətıjesi

ASTANA. QazAqparat - Astana qalasy ákiminiń orynbasary, fılolog Ermek Amanshaev búgin Elbasy Jarlyǵymen ózgertilgen latyn grafıkasynyń jańa nusqasyna qatysty pikir bildirdi, dep habarlaıdy QazAqparat tilshisi. 

Óz pikirinde Amanshaev sońǵy nusqadaǵy álipbıdiń júıeli jumystyń nátıjesi bolǵanyn, barlyq usynystardyń eskerilgenin atap ótti.

«Latyn qarpine kóshýdiń ózi júıeli jumys qoı. Oǵan Qazaqstandaǵy eń beldi ǵalymdar, til mamandary tartyldy. Búgingi álipbı - júıeli jumystyń nátıjesi. Buǵan deıingi nusqalary da Elbasynyń tapsyrmasymen halyqtyq talqylaýǵa usynylǵan edi. Jańa álipbıge qatysty barlyq usynystar eskerilip jatyr, eskeriledi de. Endi mine, bárimizdiń kóńilimiz tolatyn, eń bastysy halqymyzdyń bolashaǵyna qajet, keleshegine yqpal jasaıtyn álipbıdi kórip otyrmyz», - dep pikir bildirdi E. Amanshaev «Astana» kontsert zalynda ótken halyqqa esep berý jıynynda.

Aıta keteıik, búgin QR Prezıdenti Nursultan Nazarbaev «Qazaq tili álipbıin kırıllıtsadan latyn grafıkasyna kóshirý týraly» Jarlyǵyna ózgeris engizdi. Osyǵan sáıkes, latyn grafıkasyna negizdelgen qazaq tili álipbıiniń jańa redaktsııasy bekitildi.