Erlan Sydyqov: Prezıdenttiń úndeýi - demokratııanyń qalyptasqandyǵynyń kórinisi

NUR-SULTAN. QazAqparat - L. Gýmılev atyndaǵy EUÝ rektory, ǵalym, tarıh ǵylymdarynyń doktory, professor Erlan Sydyqov elimizde 9 maýsymda ótetin saılaýǵa qatysty óz oıymen bólisti, dep habarlaıdy QazAqparat tilshisi.

«Bul úndeý (Memleket basshysy Qasym-Jomart Toqaevtyń kezekten tys saılaýǵa qatysty) - Qazaqstanda demokratııanyń qalyptasqandyǵynyń kórinisi jáne dáleli.

Prezıdent atap ótkendeı, biz óte kúrdeli kezeńde ómir súrip otyrmyz.

«Táýelsiz elimizge qyzyǵyp ta, kóre almaı da qaraıtyn elder bar. Sondyqtan, qazirgi jaǵdaıda ýaqytty ótkizbeı nege Prezıdentimizdi saılap almasqa? Endi demokratııanyń ekinshi kórinisi - taıaý arada bılikke, Prezıdenttik qyzmetke talasatyn kandıdattar paıda bolady. Ótken saılaýda ótinimdi 27 adam beripti. Bıyl endi kóp bolady dep oılaımyn. Óıtkeni, qoǵam pisip-jetildi, saıası mádenıet kóterildi. Bizde birneshe partııa bar. Mindetti túrde ol partııalar ózderiniń kandıdattaryn usynary sózsiz. Taıaý arada sol partııalardyń sezin kúteıik. Sheshimderin kóreıik. Árkimniń óziniń saıasaty, saılaýaldy jospary bolady», - dep túıdi Erlan Sydyqov.

Eske sala ketsek, aǵymdaǵy jyldyń 9 maýsymynda elimizde kezekten tys prezıdenttik saılaý ótedi. Bul týraly respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev aıtty.

Memleket basshysy Qasym-Jomart Toqaevtyń respýblıkalyq telearnalar arqyly Qazaqstan halqyna joldaǵan úndeýiniń tolyq mátinin myna siltemeden oqýǵa bolady.