Erlan Slambekov Atyraý oblysy bilim basqarmasynyń basshysy boldy
Oblys ákiminiń orynbasary Jasulan Bısembıev jańa basshysyny ujymǵa tanysyryp, aldaǵy qyzmetine sáttilik tiledi.
Erlan Talǵatbekuly 1983 jyly Temirtaý qalasynda dúnıege kelgen. Túrkııanyń Seljýk ýnıversıtetin «tarıh» mamandyǵymen bitirgen. Q.Jubanov atyndaǵy Aqtóbe memlekettik pedagogıka ýnıversıtetinen tarıh magıstri, Eýrazııa ulttyq ýnıversıtetinen pedagogıka jáne psıhologııa mamandyǵy boıynsha PhD doktoranty atanǵan. AQSh-ta Mindsteps TM jáne ASCD, Ulybrıtanııanyń North London Grammar School-da, Astana, Almaty qalalaryndaǵy bilim berý ortalyqtarynda taǵylymdamadan ótken.
2005-2006 jyldary A.Málkeev atyndaǵy Esik qazaq-túrik jasóspirimderge arnalǵan lıtseı-ınternatynda tarıh páni muǵalimi, 2006-2009 jyldary Aqtóbe oblysynda daryndy er balalarǵa arnalǵan qazaq-túrik lıtseı-ınternaty dırektorynyń tárbıe jónindegi orynbasary, 2009-2011 jyldary Qostanaı oblysynda daryndy er balalarǵa arnalǵan qazaq-túrik lıtseı-ınternaty dırektorynyń tárbıe jónindegi orynbasary bolǵan.
2011-2013 jyldary Sýleıman Demırel atyndaǵy kolledjinde dırektordyń tárbıe jónindegi orynbasary, 2013-2014 jyldary Batys Qazaqstan oblysynda daryndy balalarǵa arnalǵan qazaq-túrik mamandandyrylǵan mektep-lıtseı-ınternaty dırektorynyń baǵdarly oqytý boıynsha orynbasary, 2014-2015 jyldary Astana qalasynda daryndy er balalarǵa arnalǵan qazaq-túrik lıtseı-ınternaty dırektorynyń tárbıe jónindegi orynbasary bolyp jumys istegen.
2015-2019 jyldary Astana qalasynda daryndy qyz balalarǵa arnalǵan Bilim-ınnovatsııa lıtseı-ınternatynyń dırektory, 2019-2020 jyldary Nur-Sultan qalasynda gýmanıtarlyq kolledj dırektory, 2021-2023 jyldary Jambyl oblysynda daryndy er balalarǵa arnalǵan mamandandyrylǵan Bilim-ınnovatsııa lıtseı-ınternatynyń dırektory laýazymyn atqarǵan.
Bıylǵy mamardan beri Bilim jáne ǵylym mınıstrligi «Respýblıkalyq ǵylymı-praktıkalyq bilim mazmunyn saraptaý ortalyǵy» sharýashylyq júrgizý quqyǵyndaǵy respýblıkalyq memlekettik kásiporny dırektorynyń orynbasary qyzmetinde boldy.
«Y.Altynsarın» atyndaǵy tósbelgi ıegeri.
Eske sala ketelik, buǵan deıin Shákir Keıkin Atyraý qalasynyń, al, Abat Janǵalıev Atyraý oblysy Qurmanǵazy aýdanynyń jańa ákimi taǵaıyndalǵanyn jazǵan edik.