Erlan Saıyrov: Elimizde baqylaý ınstıtýty jaqsy damyp keledi
Saıasattanýshy, Ulttyq qoǵamdyq senim keńesiniń múshesi Erlan Saıyrov Parlamenttik saılaýdy ótkizýdiń mańyzdy tustaryn atap ótti. Ásirese, saılaýshylardyń naýqan kezinde belsendilik tanytýy mańyzdy ekenin aıtty.
«Qazir 12 mln saılaýshy bar. Olardyń barlyǵy kelip daýys beretin bolsa, jaǵdaı ózgeshe bolar edi. Bul – saılaý kezindegi negizgi másele. Saılaý naýqany kezinde turǵyndardyń belsendilik tanytýy qashanda ózekti. Ekinshi – baqylaý protsesi. Búginde elimizde baqylaý ınstıtýty jaqsy damý ústinde. Qoǵam belsendileri, kásipodaq músheleri jáne taǵy basqalary saılaý protsesin baqylaýǵa qatysyp júr. Bul – durys»,- dedi saıasattanýshy.
E. Saıyrovtyń pikirinshe, Qazaqstanda ınstıtýtsıonaldyq demokratııany damytý mańyzdy. Sebebi keı memleketterdegi qaqtyǵystardyń týyndaýyna memleket ınstıtýttarynyń damymaǵany dálel.
«Pandemııa saldarynan dúnıejúzinde «Memleket» degen ınstıtýt eki suraqqa jaýap bere almaı jatyr. Birinshis i- ádilettilik prıntsıpi. Ekinshisi - teńdik prıntsıpi. Analıtıkalyq qurylymdardyń esebi boıynsha álem halqynyń 1 paıyzy dúnıejúzilik ІJÓ 95 paıyzyn alady. AQSh, Frantsııa, Germanııa jalpy Eýropa elderiniń basym kópshiliginde jappaı tártipsizdikterdi kórýge bolady. Soǵan sebep bıliktegilerdiń joǵaryda aıtqan eki máselege jaýap bere almaýynan dep bilemin. Sondyqtan halyqtyń basym kópshiligi narazylyǵyn bildiredi. Dúnıejúzinde memlekettik ındeksi joǵary esepteletin 9 mln halqy bar Izraıldiń ózinde kúnde turǵyndar men polıtseılerdiń qaqtyǵysy toqtamaı tur»,- deıdi E. Saıyrov.