Erlan Saırov: Jazyqsyz qýǵyn-súrginge ushyraǵan esimderdi aqtaý – paryzymyz

NUR-SULTAN. QazAqparat – Eýrazııalyq ıntegratsııa ınstıtýtynyń dırektory Erlan Saırov Memleket basshysynyń Saıası qýǵyn-súrgin jáne asharshylyq qurbandaryn eske alý kúnine oraı úndeýine pikir bildirdi, dep habarlaıdy QazAqparat tilshisi.

«El Prezıdenti Qasym-Jomart Toqaev saıası qýǵyn-súrgin qurbandaryn aqtaý úshin arnaıy memlekettik komıssııa qurady. Menińshe, durys sheshim. Ǵylymı kózqaras turǵysynan alyp qaraǵanda jappaı qýǵyn-súrgin men asharshylyqtyń kóptegen aspektileri áli de zerttelmegen. Sonymen qatar jazyqsyz qýǵyn-súrginge ushyraǵan kóptegen esimderdi aqtaý qajet. Bul – bizdiń olardyń aldyndaǵy paryzymyz», - dep jazdy Erlan Saırov Facebook-paraqshasynda .

Onyń atap ótýinshe, tarıh aldynda barlyq kezde jaýapty bolý qajet. Sondaı-aq tarıhtyń aqtańdaq betterin ashý aldaǵy ýaqytta mundaı jaıt qaıtalanbaý úshin mańyzdy.

«Bul – barlyǵy óz mánin joǵaltqan kezeń bolatyn. Biz sol mándi qaıta qalpyna keltirýge tıispiz», - dedi ol.